Plantun de Prouvènço

Pèr coumpara dos planto d'encò nostre

Saxifraga moschata & Silene nutans subsp. nutans

Sassifrago(-muscado)

Saxifraga moschata

Saxifragaceae

Autre noum : Sassifrajo.

Nom en français : Saxifrage musquée.

Descripcioun :
La sassifrago-muscado trachis en couissin dins lis aùti mountagno de Prouvènço sus cauquié. Flouris belamen l'estiéu. Li flour soun blanco emé lou cèntre jaune e li petalo se tocon pas, au contro de la sassifrago-regado, Saxifraga exarata que ié sèmblo proun. Li fueio di tres partido soun regado soulamen sus lou tros dóu mitan (e pas toujour fin qu'au bout), alor que li de sa cousino soun tóuti tres regado en plen. Apoundèn que li fueio di ramo esterlo soun entiero (fotò). Coumpara emé la sassifrago-regado que ié sèmblo proun.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 3 à 12 cm
Fueio : alterno
Tipe bioulougico : Camefite
Cicle bioulougico : Planto renadivo

Gènre : Saxifraga
Famiho : Saxifragaceae

Ordre : Saxifragales

Coulour de la flour : Blanco Jauno
Petalo : 5
Ø (o loungour) flour : 0,6 à 1 cm
Flourido : Printèms - Estiéu

Sòu : Ca
Autour basso e auto : 1600 à 3200 m
Aparado : Noun
Jun à avoust

Liò : Baus - Roucas - Tepiero roucaiouso
Estànci : Subaupen à Aupen
Couroulougi : Ouroufito-Éurasiatico
Ref. sc. : Saxifraga moschata Wulfen, 1781

Atrapo-mousco

Silene nutans subsp. nutans

Caryophyllaceae

Àutri noum : Aganto-mousco, Empeganto.

Noms en français : Silène penché, Attrape-mouches.

Descripcioun :
L'atrapo-mousco tèn soun noum qu'es uno planto proun pegouso e glandulouso. Lou calice de la flour èi cubert de pichòti gibo bruno. Li flour, blanco dessubre, soun clinado sus lou coustat de la cambo. La varieta brachypodia douno de gros fru (> 12 mm) coume sus la fotò à man drecho.

Usanço :
Sabèn pas gaire de causo sus l'usanço d'aquelo planto, sèmblo qu'èi bono pèr ajuda au caiamen dóu sang. Escriéure au site se n'en sabès mai.

Port : Erbo
Taio : Pancaro entresigna
Fueio : óupousado
Tipe bioulougico : Emicriptoufite
Cicle bioulougico : Planto renadivo

Gènre : Silene
Famiho : Caryophyllaceae

Ordre : Caryophyllales

Coulour de la flour : Roso
Petalo : 5
Ø (o loungour) flour : Pancaro entresigna
Flourido : Printèms - Estiéu

Sòu : Ca
Autour basso e auto : 0 à 2200 m
Aparado : Noun

Liò : Colo - Basso mountagno - Tepiero umido
Estànci : Subremediterran à Subaupen
Couroulougi : Pancaro entresigna
Ref. sc. : Silene nutans subsp. nutans L., 1753

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

RRR

Saxifraga moschata & Silene nutans subsp. nutans

ges

Coumpara Sassifrago(-muscado) emé uno autro planto

Coumpara Atrapo-mousco emé uno autro planto